2013年6月15日下午1:23累積瀏覽 12532 6
( 網上文章轉載 )
酒店餐蛋飯索價 128 蚊 |
【明報專訊】網上流傳一張「天價餐蛋飯」嘅相片，4 片午餐肉加兩隻
煎蛋配白飯，盛惠 128 蚊。網民質疑點解餐蛋飯賣到咁嘅價錢？呢碟餐
蛋飯係來自灣仔王子酒店嘅餐廳東來居，張相係過去一期《明報周刊》
一篇訪問，受訪者中大講師蔡子強話，佢無食過嗰度嘅餐蛋飯，亦唔會
幫襯，因為午餐肉係「匱乏年代集體回憶」。
東來居：午餐肉有火腿
王子酒店東來居負責人李先生就話，午餐肉內有金華火腿，至於午餐肉
嘅牌子及成本，佢以商業秘密為由拒絕透露。至於網民質疑餐蛋飯索價
太高，他回應話：「你到五星級酒店飲杯咖啡都要過百蚊。」
蔡子強喺該篇訪問中，講述大學時代為咗慳錢，以午餐肉加即食麵嘅回
憶。Emily 噚日向佢查詢，佢話無幫襯、亦唔會畀百幾蚊食餐蛋飯，又
話「去酒店食餐蛋飯，顯得造作」咁話。
-------------------------------------------------------------------------------
酒店 $128 矜貴餐蛋飯
Kelly 有啲朋友，好多時心思思想去茶記食餐蛋飯，貪佢抵食夾大
件。但有朋友報料，話灣仔王子酒店嘅東來居，一碟餐蛋飯賣一百二十
八蚊，到抵點解咁矜貴？負責人就同 Kelly 講，佢哋用嘅唔係外傳嘅梅
林牌午餐肉，但就話商業秘密，唔可以透露貨源，仲認為酒店飲咖啡都
貴啲，百幾蚊碟餐蛋飯無話合唔合理喎。
食家梁家權話未食過東來居嘅餐蛋飯，笑言「唔知係咪食完會
飛」。講開餐蛋飯，佢就向小妹推介九龍城市政大廈三樓嘅樂園，雖用
大陸牌子午餐肉，但勝在厚薄適中，而且煎得好香又唔會太燶。如果自
己下廚，就鍾意買日本沖繩嘅午餐肉，一小罐要五十幾蚊，較內地牌子
貴一倍，但物有所值咁話。
Kelly Chu
----------------------------------------------------------------------------------
餐 肉 煎 蛋 飯 風 波
上個禮拜，一碟盛惠一百二十八元的餐肉煎蛋飯，惹來網上起鬨。雖
然有關食肆解釋所用的午餐肉如何矜貴，如內含金華火腿粒，但仍然被網
民批評「搶錢」。該食肆反駁，說你去半島酒店飲杯咖啡都特別貴啦！這
種講法有其道理，但卻忽略了香港人對午餐肉的集體回憶和印象定型。
還記得自己年少時讀大學，為了省錢，甚至連大學飯堂也不捨得去，
乾脆在宿舍房內煮食。當時房內唯一的煮食工具便是一個舊式電飯煲，無
論是即食麵又好，米粉又好，蝦子麵都好，都是用電飯煲燒好一大鍋沸
水，把麵條下鍋，快快煮熟。為了不致於太「寡」，有一點肉可以到肚，
於是便會找來一些罐頭作餸。
芸芸罐頭之中，首選是午餐肉，貪它可以大啖肉的吃，不似得五香肉
丁和回鍋肉般，當在冬天凍冰冰地吃時，放了落熱湯，便如大海撈針般，
找也找不回，還是午餐肉比較實在，起碼，切成一塊塊放入熱湯，也不會
「縮水」。就這樣，午餐肉陪伴我度過大學四年的窮日子。
時至今天，很多打工仔每月到了糧尾，手頭並不鬆動時，都可能要吃
上幾回被稱之為「頹飯」的餐肉煎蛋飯，而接濟基層家庭的食物銀行，午
餐肉也是常備品之一，因此，在大家心目中，午餐肉也成了捱過匱乏日子
的象徵。因此，當大家發現連餐肉煎蛋飯也賣到一百二十八元一碟時，便
與大家既有印象和集體回憶大有牴觸，因此反應也特大，這是咖啡所無法
比擬的。況且，午餐肉和煎蛋是家中舉手即成之物，就算怕麻煩，在茶餐
廳也一定吃到，到酒店餐廳吃餐肉煎蛋飯，也無疑太過造作。
蔡 子 強
沒有留言:
張貼留言