瑞 士 雞 翼 源 起

　　揚州炒飯並非來自揚州，瑞士雞翼亦非來自瑞士！瑞士駐香港領事館喺社交網站發文話：「瑞士雞翼並非瑞士本國食品，與瑞士亦不存在任何特殊關係」，仲估計話瑞士雞翼係港人首創嘅食品。要為香港人嘅無窮創意畀個 like！

　　近日有香港市民同駐港外籍人士查詢，發現香港多個食肆都有提供瑞士雞翼，問係咪瑞士美食，瑞士駐香港領事館澄清就話：「雞翼喺瑞士絕非常見嘅食材，並唔係瑞士本國食品，可能係由於 “ Sweet ” and “ Swiss ” 讀音相似，以致引起誤會。」

　　佢哋估計話，瑞士雞翼係香港人首創嘅食品。有傳一名外國人係太平館進食一客豉油雞翼後大讚：「Sweet Wings」，侍應誤譯為「Swiss Wings」，自此豉油雞翼就變成瑞士雞翼。