海 洋 公 園 站

        海洋公園站（英語：Ocean Park Station）是港鐵南港島線（東段）上一座興建中的架空鐵路站，位於南區南朗山香港海洋公園正門旁側，原址為巴士車廠。海洋公園站的結構工程於 2013 年 12 月 9 日完成，成為南港島線（東段）首座平頂的鐵路站。車站亦已於 2015 年 10 月完工，但由於南港島線工程延誤，預計 2016 年底或 2017 年初才正式啟用，屆時乘客從金鐘站前往海洋公園站僅需 4 分鐘，比乘搭巴士節省約 21 分鐘。預計南港島線（東段）通車後，將會令海洋公園的入場人數增長 1 成至 1 成半，並且能夠紓緩香港仔隧道的交通擠塞情況。
海洋公園站架空以配合該段走線的高架橋設計，海洋公園的擴建計劃亦有預留位置供港鐵使用。該站將會有物業發展，地面亦會發展為大型停車場，以供轉乘用途。
  

        天寒地凍，港鐵主席馬時亨日前請成班傳媒行家，史無前例去未開放南港島線海洋公園站 BBQ，醉心杯中物馬時亨仲帶支別具意義靚紅酒同大家分享。
        記者發現車站裝修得八八九九，設計極具海洋氣息又夠闊大。馬時亨講笑話，車站通車前可租俾人搞活動，舉行婚禮都得喎。前日佢就筵開十多席，請百幾個傳媒朋友燒食，燒羊架最好味，非常搶手。
        有好食，馬時亨話唔少得靚紅酒，佢仲特意帶支十二公升的巨型二千年出產紅酒，因為港鐵上市年份係二千年喎，當然要飲番支當年出產靚酒。