香 草

　　Jason 家住西環一幢舊樓裏面，地方不大，卻有個偌大的露台，而他的廚房是個 open kitchen，推開一扇窗就是露台。陽光從露台透射全屋，映出一地光與影，地上一排排的倒影，正是整整齊齊列在露台與廚房連接的一行小植物，細心看，原來是各式各樣的香草：迷迭香、百里香、羅勒還有鼠尾草，我還是頭一次見人在家裏種鼠尾草，禁不住問他用來煮些甚麼。
　　「我都唔煮嘢嘅。」Jason 笑說，「以前女朋友鍾意煮，但係就種咩死咩，而我呢，就天生 green fingers。咁所以咪，我種畀佢嚟煮嘢食囉。」「睇唔出你都係一個情癡，都分左手咁耐，仲咁有心機。」
　　「唔係呀，我掛住嘅係個味道。我仲記得，本來平平無奇嘅 scrambled egg，因為加左幾塊 parsley，個香味令我無論做緊咩，都要立即放低過去食。咁而家佢冇再煮畀我食，唯有聞下我種嘅香草來緬懷吓囉。」
　　我看著露台，想像一位女子伸手摘下幾片香草入饌，這個畫面真的很美。可能是歌聽得太多，「手指淡淡煙草味道，記憶中曾被愛的味道」，我總是覺得 Jason 只是將「煙草」換成「香草」，他真正想念的，是舊女朋友在身旁的時光。

https://www.youtube.com/watch?v=EuO3xI0KfZA