愛 雲 芬 芝

        小弟雖然年紀唔算大，但對於幾十年前嘅電影卻有相當濃厚嘅興趣，特別對活躍於七、八十年代嘅艷星情有獨鍾。原因好簡單，小弟當年剛上高小，對情事充滿好奇和渴求，而佢哋個個美艷動人，仲擁有一副純天然嘅豐滿身材，當然仲有濃得化不開嘅攝人魅力，就好似一代艷星愛雲芬芝咁。
        愛雲芬芝（Edwige Fenech）係活躍於七十至八十年代嘅經典艷星，出生於 1948 年嘅佢，父親係法國人，母親係突尼斯人。關於愛雲芬芝出道拍電影之前嘅資料難以查找，只知道佢喺 1967 年參加過兩個選美比賽，分別奪得冠軍同季軍，令到佢為星探認識，繼而帶入電影界。第一部拍嘅電影《Toutes folles de lui》，係法國同意大利合作嘅情色喜劇。愛雲芬芝喺呢部作品中初試啼聲，仲有大膽演出添！
        由於阿妹氣質艷麗動人，一雙電力十足嘅大眼睛以及優美朱唇實在迷死人，最重要係佢副豐滿胴體雪白婀娜，胸前高聳兼且.....，就算家陣要喺波濤洶湧嘅日本 AV 女優群當中，都搵唔到幾多個拍得住佢。由於愛雲芬芝索得咁緊要，令佢從法國去到意大利發展演藝事業。
        愛雲芬芝喺 1968 到 1982 年間，總共拍咗七十幾部電影，大部分係意大利電影，亦有少數法國同西德電影，可以話係當時最忙碌嘅艷星之一。
        愛雲芬芝氣質綺麗，仲帶點成熟韻味，所以喺電影當中扮演嘅，好多都係少婦、女教師之類角色。阿妹外表端莊高貴，但係內裏不知幾咁豪放，要佢刻意又得，要佢不經意咁裸露亦一樣來得自然，舉手投足都散發非凡魅力同無比誘惑。
        雖然愛雲芬芝對裸露胴體絕不吝嗇，但由於當時意大利興起比較軟性嘅情色喜劇，所以佢拍嘅戲雖然剝完又剝，只係甚少同男主角有肉體接觸，好似其經典作品之一嘅《吉奧瓦諾娜的長腿》咁，扮演妓女嘅愛雲芬芝肉誘男主角嘅時候都係百般裸露，但一旦想埋身，就被種種事情打亂，未能成事，就算有床戲亦沒有激烈互動，只會以春光春色挑逗觀眾嘅視覺，可以話係重色不重淫。