香 港 花 展 2019

        香港花卉展覽已經喺維園開幕啦！愛花之人，梗係第一時間入去賞花，今年花卉展用大紅花做主題，大紅花唔止紅色咁簡單，仲有粉紅、紫紅、黃色、白色都有，真係色彩繽紛，賞完花，可以飲港式奶茶或中國香茶，真係好寫意。
        今年花卉展，第十七號攤位有一幅用花砌成嘅飛龍既花牆，名為「大紅花說願」，花團綿簇，係打卡嘅首選景點。另外，花展中鐘樓配襯的花卉、花瓶造型的花卉同埋由受颱風「山竹」吹襲倒樹製成的多個雕塑，都係好正嘅打卡熱點。
　　漫步賞花之後，行到第十一攤位，由杭州中國茶葉博物館開設。茶為國飲，品茗小休，令人清新起來。唔鍾意飲中國茶，可以去第二十八號攤位，係非物質文化遺產港式奶茶檔，歎番杯港式絲襪奶茶，人都醒晒。