寫 行 李 牌 要 小 心

　　香港人鐘意旅行，早前甚至有調查統計過平均每人一年出遊近十次，但大家處理行李牌，真係要打醒十二分精神。最近收到英國朋友電郵，內裏有一張航空公司嘅通告，建議大家出遊時，喺行李牌上面千祈唔好寫屋企地址，應該用電郵地址同埋聯絡電話取代。原因何在？因為犯罪份子有機會偷偷地將違禁品放入旅客個行李入面，好似放毒品咁，如果個旅客好彩成功通過安檢過關，咁佢哋就一早抄低個行李牌上嘅地址，之後再偷偷地去偷番啲違禁品。咁如果旅客過唔到安檢，就慘了。
        航空公司個通告好有趣，直接一句話：「say goodbye to your freedom as you sit behind bars」（向你的自由說再見，因你已經喺監獄中）。