支 持 拉 腸 粉

       幫襯街坊小店，享受庶民美食，仲有濃濃嘅人情味。好似大埔有一間專賣石磨腸粉等輕食嘅小店，店主係一位單親媽媽，佢獨力養育兩子，連發哥（周潤發）都去支持佢小店！呢位媽媽經營有道，就幫返有需要嘅人，推出老人優惠，又資助單親兒童參加興趣班，回饋社會，非常有心。
        位於大埔嘅「友口馥」，店主係單親媽媽 Lily，六年前佢丈夫因病去世，家庭失經濟支柱，Lily 決定靠自己雙手，開小店養育兩個兒子。佢憶述話，當初生意不太好，後來得發哥親自嚟支持，好多人嚟食嘢，生意開始轉虧為盈，「一次正埋頭苦幹拉腸粉時，突然聽到一個男人大叫 Lily，抬頭一看原來喺發哥」，對發哥嘅支持，佢好感恩。
　　Lily 話，依家有能力，就想幫返有需要嘅人，老人家嚟買腸粉食，佢減四蚊，佢又資助單親兒童參加興趣班為期一年嘅費用，等佢哋發掘自己嘅潛能。