「蓮 香 茶 室」

　　有近百年歷史嘅中環老茶樓「蓮香樓」，前日落幕，十分不捨。不過唔緊要，茶樓數位老伙記接咗手，以特許經營權模式易名「蓮香茶室」，繼續經營。蓮香樓點心部主管仲係接手人之一黃錦成話，新店經營模式維持不變，水滾茶靚，仲保持大家喜歡嘅懷舊點心，只是不做晚市。
　　喺蓮香樓做點心多年嘅黃師傅話，幾位老伙記會接手經營「蓮香茶室」，各人已在酒樓服務超過二十年，「我做點心師傅五十年，很不捨得這裏，想一齊做下去」又話繼續提供懷舊點心，仲會研究創作新點心，聽到都流晒口水！
       有消息指，曾昭灝大廈暫未落實幾時清拆，所以業主有意繼續出租，新舊租金相若，每月約四十萬。

        Kelly Chu