龍 脊 山 遠 眺

        一放假就鍾意同朋友遊山玩水，昨日石澳龍脊行山遠眺美景，赫然見到一個屋頂異常搶眼，原來呢個屋頂地上噴上巨型「龍紋身女郎」壁畫。問行山朋友得知，呢幅傑作出自愛爾蘭街頭藝術家 Fin DAC 之手，佢來頭唔簡單，作品歐美好紅，想不到遠道來港，竟為香港郊野一間獨立屋添上姿彩。
        街頭藝術家 Fin DAC 擅長人物噴漆塗鴉，當中以既神秘又逼真紋身女人像最為出名，再噴上標誌性彩色「眼罩」，引人入勝。老友話，Fin DAC 無論繪畫東、西方人種，都能夠捉到神韻，唯妙唯肖。佢壁畫作品遍佈全球，包括西班牙馬德里、英國倫敦、美國邁阿密及克羅地亞等，估唔到靜悄悄到香港。
        Fin DAC 於 facebook 表示，只係用四日完成呢幅巨型天台畫「Senaka」，畫中長髮女子戴上淺藍色「眼罩」，背部紋有巨龍紋身，同龍脊呢個地名不謀而合。Fin DAC 形容作品係「隱藏的美人」（hidden beauty），仲講笑挑戰大家去影張相，大家如果到龍脊行山落足眼力，睇有無機會遇到啦！

        Kelly Chu