「香港教育大學」校長張仁良的法國太太名字叫 Christine Cappio。30 年前，Christine 下嫁張仁良後，來港定居，既起了一個中文名字張雪婷，也說得一口流利的廣東話，不介意被人喚作「鬼婆」，只介意被人視為外人。最近出書分享 30 年來在港居住的生活點滴，強調自己是個「地道」香港人。
鬼佬（粵拼：gwai2 lou2）或者番鬼佬即係高加索人，係廣東話嘅俗語，響普通話俗語就叫「洋鬼子」。跟字面解即係「鬼佬」，由於廣東人觀念認為高加索人大多數都係紅鬚綠眼，又或者源自 19 世紀因外國軍隊入侵中國，而產生「鬼佬」呢個詞。連英文都有 gweilo 呢個字。 類似嘅，高加索女人叫鬼婆，細路仔叫鬼仔，細路女就叫鬼妹。衍生出嚟，有人叫黑人做黑鬼。有啲高加索人認為「鬼佬」呢個稱呼係對佢哋嘅侮辱。響 1980 年代，有啲廣東人響「鬼佬」呢個詞前面加個「死」字，即係咒人哋去死，令呢個稱呼變得有侮辱性。 有好多粵語人口，響公衆地方都一樣叫啲白種人或者西方人做「鬼佬」，佢哋認為呢個稱呼冇貶義或者爭議。「鬼佬」呢個稱呼有出現響香港嘅兒歌，當時都冇人認為有問題。 有啲白種人覺得鬼佬呢個稱呼係對佢哋嘅侮辱。重有，根據香港法例，喺一個工作地方、學校、公共機構等，任何人如基於另一人嘅種族…作出唔受歡迎嘅行徑（可包括口頭或者書面陳述）…作出嗰個行徑嘅人即屬對第個人作出騷擾（原文：第 602 章 第 7 條 種族騷擾）。即係話如果對方唔歡迎或者唔鍾意呢個稱呼，叫佢「鬼佬」有可能會犯法。另一方面，而家有啲住響香港嘅西方人偶然會笑笑口自稱「鬼佬」，呢點反映出思想開始變化，由當呢個詞係污蔑至入鄉隨俗。 相關嘅詞 一張大概印製響 1899 年嘅義和團小册子，紙上稱外國人為鬼子。 普通話中嘅鬼子同「鬼佬」同義，但係多數形容日本人，而且有唔友好嘅意思，如「日本鬼子」、「東洋鬼子」，電影《鬼子來了》即描寫抗日戰爭期間嘅事；而白種人就稱為「洋鬼子」。近年多咗用「老外」呢個比較友善嘅詞作為對白種人嘅稱呼，重有紅毛鬼子等等。
沒有留言:
張貼留言