大 富 豪 落 幕

〈網上文章轉載〉

大 富 豪 將 成 追 憶   簡 Sir 歎 貴 租 累 事

有二十八年歷史大富豪夜總會，本月底結業，呢個消息掀起一陣熱話，

畢竟大富豪見證八、九十年代香港紙醉金迷夜生活，家陣呢類「銷金

窩」香港買少見少，唔少人話要趁大富豪結業前，會去見識，有電台

DJ更發起網上組團去懷緬一番。曾經係常客五屆冠軍練馬師「食力簡」

歎可惜，話大富豪係港人集體回憶，都係舖租貴累事！


  有「食力簡」之稱簡炳墀話，以前做練馬師時，曾幫大富豪老闆羅焯

訓練愛駒「東方不敗」，大家係老友，但自從佢退休後，就好少聯絡。


女士都想去見識


不過，佢坦承以前會帶內地來朋友去大富豪「見識」，但佢強

調都係「女性朋友」，仲有頭有面，話晒大富豪係香港一大「景

點」，去見識、使錢都好平常，佢話最後一次去，係○二年退休前

喎。佢笑住話，自己係公眾人物，唔可以成日去常，因為分分鐘「無

命」。


簡Sir話，大富豪最難忘又兩樣，一樣就係「貴」，係真正「銷

金窩」，第二樣就梗係「小姐」啦，佢大讚大富豪小姐質素高，但佢去只

飲酒，無下文咁話。


聽聞唔少人都有興趣同大富豪臨別依依，當中更有好多係女性，都係

，裝修得咁金碧輝煌、個場又咁大夜總會，以後可能只能睇《金雞》

來回味！

大 富 豪 落 幕   聲 色 褪   夢 餘 痕

距離香港回歸十五周年還有兩星期，但昔日「馬照跑、舞照跳」生活已不

一樣，見證香港魚翅撈飯紙醉金迷時代、在尖東經營二十八年的大富豪夜

總會本月底結業。大富豪傳奇落幕，但老闆羅焯財力仍相當雄厚，單在廣

州就有兩幢甲級商廈收租，估計身家超過五十億元。


八四年開業的大富豪，全盛時期，有一千二百多名小姐，每晚顧客不

下千五人，而且經常大排長龍，與現時門庭冷落，形成強烈對比。因現時

夜總會每晚只得八、九間房有客，駐場小姐僅剩約三十名。


當時就連五屆冠軍練馬師簡炳墀也是熟客，更常常在廳房內大派賽馬

貼士。除本地名人，亦有很多外國人慕名而來，世界著名足球勁旅皇家馬

德里○三年來港踢表演賽期間，隊長魯爾及與隊友摩連迪斯和古迪，深夜

造訪大富豪，並在大型貴賓房消遣多個小時。


據 悉，大富豪○三年沙士時，因生意太差，羅焯請來俄羅斯歌舞團表

演，收每位二百元包一杯飲品，限坐一小時，結果吸引大批內地自由行旅

客慕名而來，但有老顧客指，因澳門夜總會早已超越香港，論最大最豪最

多女，內地很多城市贏香港幾條街，他認為，大富豪失去高質素本地小

姐，能撐到今天已算奇蹟。


老闆羅焯想「無聲告別」


被問到現址將來會轉做甚麼生意，羅焯只透露：「做對社會有好處的

生意。」至於何時結業，他欲言又止：「日期還未確定，有人關心都好多

謝，但我們這些只是小生意，不奢望市民牽掛……客人如流水，不打算搞

告別活動，因為沒有甚麼值得回憶。」


他又慨歎，「雖然經營一段頗長時間，但市民對夜總會的看法仍存有

不少問號，很多人根本不知這裏很守規矩，對不對？」


雖然羅焯表明想低調處理，但消息指，公司部份高層持相反意見，希

望像數年前死敵中國城執笠前一樣，搞一個懷舊之夜，讓熟客來個集體回

憶，若真的成事，將延至七月中結業，七月十日舉行派對。