菠蘿油係由菠蘿包發展出來嘅香港美食，係將菠蘿包橫向切開夾住一塊厚切嘅牛油（或奶油）所組成。菠蘿油最好嘅食法係將新鮮出爐嘅菠蘿包夾住冰凍嘅牛油，咁樣牛油就會俾菠蘿包嘅熱力影響而溶喺包身中間嘅位置，包身會俾溶化嘅牛油變成金黃色，而食嗰時菠蘿油同菠蘿包唔同嘅地方係能夠食出濃厚嘅牛油香味。但由於加咗牛油，所以菠蘿油比菠蘿包嘅脂肪同膽固醇含量更會高一啲。
香港好多茶餐廳都會供應呢種嘢食配奶茶，做下午茶餐或早餐。一啲茶餐廳更會將牛油連冰粒一齊送上枱，等啲客人將牛油夾到菠蘿包嗰時仍保持喺最冰凍嘅狀態，以加強凍熱口感嘅對比。
沒有留言:
張貼留言