Good Day Café

        市面上小店林立，要突圍而出，可能搞下拉絲紫薯就吸到一堆客。可惜熱潮一過，又要諗過啲新主意，否則只會淪落至拍烏繩捱租吊命。
        最近俾我亂撞試咗間 Good Day Café，主打漢堡同小食，自家創作嘅花生醬漢堡，連埋粗薯條都係 $85，試問喺銅鑼灣地段嚟講，賣呢個價點回本？先唔講由花生醬同漢堡扒都係自己手打製作，薯條又係即叫即炸，成本之高，加埋租金，店主兩小口子仲係喺「捱」嘅階段。本來有份好哋哋嘅工，坐 office 輕輕鬆鬆又一日，佢哋唔做，偏偏希望自己嘅 good day 可以帶俾大家一個 good day！成日開口埋口話香港人要自己友撐自己友嘅朋友，不妨去支持下啦！( 其實佢哋都有玩拉絲㗎！不過唔想變成一瞬即逝嘅熱潮，冇特別大推。但呢個流心岩漿芝士炸魚薯條 ( $98 )，真心抵讚，要試！)

( Btw，抽煙系統真係要搞搞佢，好大陣油煙味唷朋友～ )

GoodDay Cafe

銅鑼灣希雲街 12 號地下

        慾 女